Identifikohu

E Enjte, 28 Janar 2010

Koha Jone

Deputetet e Levizjes per Mendimin Ndryshe, gjate takimeve te zhvilluar dje ne Bruksel, kane marre mbeshtetjen e Parlamentit Evropian, si edhe nga eurodeputetet e djathte, ashtu edhe nga ata te majte. Gjate takimeve qe Ben Blushi, Kastriot Islami e Andis Harasani kane zhvilluar me zevendespresidentin e Parlamenti Evropian, Libor Rucek dhe Doris Pack, keta te fundit kane deklaruar se Partia Socialiste duhet te kthehet ne Kuvend. Rucek shprehu deshiren qe vendimi per hyrjen e grupit Parlamentar Socialist te merret nga e gjithe partia, para mbarimit te afatit, qe do te thote perpara marsit. "Mesazhi im eshte, duhet qe te rikonsiderohet situata, jo vetem ne Shqiperi, por ka nje rregull te pergjithshem, bojkoti i Parlamentit nuk te con asgjekund", deklaroi zevendespresidenti i PE. Ai tha se kemi shembullin e zgjedhjes se Presidentit Bush ne Shtetet e Bashkuara, ku shume demokrate i vune ne dyshim zgjedhjet, por ne fund u arrit ne perfundim, qe u pranua humbja. Ndoshta sipas tij, jo ne menyre te drejtperdrejte, por u respektua vendimi. "Uroj qe sistemi politik ne Shqiperi te jete me i bashkuar, kjo do te thote qe forcat kryesore politike te bien dakord per nje strategji te perbashket dhe mbi te gjitha te punojne bashke per te miren e popullit shqiptar, te perqendrohen tek prioritetet, kryesore eshte integrimi evropian, nese do te beheni anetar duhet te permbushni disa kritere dhe kushte te caktuara, kjo do te thote edhe funksionim i demokracise parlamentare",-tha Rucek. Ndersa europarlamentarja Doris Pack, deklaroi se respekton voten e elektoratit ne Shqiperi dhe interesat e vendit qendrojne me lart se ato te cdo partie. "Po mendoj se cdokush ne vend e sidomos Partia Socialiste, duhet te dije rregullat se si funksionon partia", deklaroi Pak. Ajo tha se "keto rregulla duhet te jene ne te njejten linje me Kushtetuten dhe rregullat e saj demokratike. Ata kane vendosur te hyjne, dhe kjo eshte dicka, eshte e veshtire ne fakt sepse eshte ne kundershtim me partine te ciles i perkasin, eshte veshtire qe te ndermarresh kete hap, ata nuk po veprojne kunder PS por po ndjekin rregullat dhe kete duhet ta bejne te gjithe anetaret e PS",-tha Pak. Deputetet Blushi dhe Harasani kane konfirmuar se ne te gjitha takimet qe kane zhvilluar ne Bruksel kane marre mbeshtetjen e nderkombetareve, per te thyer bojkotin, vendim qe deputetet socialiste shprehen optimist se do te mbeshteten nga i gjithe grupi i tyre parlamentare. "Ne te gjitha takimet qe kemi pasur, mos hyrja e opozites ne Parlament eshte nje gje qe nuk inkurajohet, per te mos thene qe kerkohet si nje detyrim i cdo opozite demokratike, per te marre pjese ne parlamentin e vendit te vet dhe kjo eshte ajo qe do te ndodhi",- tha Blushi.